Zapato Azule Ondarroan

Jai herrikoia

Zapato azule Ondarroan ekaineko azken asteburuan ospatzen den jai herrikoi bat da. Bizkaiko kostaldeko herri ederra da Ondarroa, eta Euskadiko arrantza-porturik garrantzitsuenetako bat.

Zapato azule jaian, mahonezko alkandora tradizionalen (arrantzaleen jantzi tipikoa) kolorea da nagusi, eta hortik datorkio izena jaiari. Alkandora hori Bizkaiko kostaldeko jai-uniforme bihurtu da, eta jaira joaten diren guztiek jantzi egiten dute.

Egun osoa irauten du eta giro onez betetzen du Ondarroako alde zaharra. Jai nabarmen herrikoia da, eta, duela 20 urte sortu zenean, ondarrutarrek ezin zuten imajinatu Bizkaiko jai-egutegiko ezinbesteko hitzordu bihurtu zenik; izan ere, egun horretan, Zapato azule ospatzeko irrikan dauden bisitariak erruz hurbiltzen dira herrira.

Ondarroako Zapato azule egunerako planak

Zapato azule egunean Ondarroan egiten diren ekitaldien artean, bi jarduera dira ezin galduzkoak: Euskal Herriko elastikoen azoka,, hogei posturekin eta Euskal Herriko bazter guztietatik etorritako elastiko-egileekin; eta Dinamartxa, Tolosa eta Ondarroa arteko txirrindularitza eta mendi-lasterketa bat, eta itsas zeharkaldi bat, Ondarroako Dina Bilbao zendutako triatletaren omenez egiten dena.

Zapato azule kalean ematen den jai-egun bat da, zalapartaren eta herri-alaitasunaren zaleentzat. Baina ez da Ondarroako jai bakarra. Izan ere, abuztuaren 14tik 17ra bitartean, Andramaxak ospatzen dira, zaindariaren jaiak. Leokadi pertsonaia ospetsuaren jaitsierak ematen die hasiera jaiei, eta Marinel Egunarekin amaitzen dira.

Jaiei buruzko atala bada ere, Ondarroa urteko edozein egunetan ere bisitatzea gomendatzen dizugu, hango alde zaharra ezagutu dezazun. Marinel-izaera nabarmena du eta Erdi Aroko trazadurari eutsi dio. Hain zuzen, Eusko Jaurlaritzak Kultura Ondare izendatu du hango monumentu-multzoa.