2008an Gizadiaren Ondare izendatu zuten Santimamiñeko koba. Urdaibaiko Biosferaren Erreserban dago, Kortezubin.
Kokaleku arkeologiko garrantzitsu hau ospetsua da bere barnealdean aurkitu zen labar arteagatik. Duela 14.000 urte baino gehiago gizakiak bertan bizi izan zirela erakusten duten aztarnak ditu eta estalaktita eta estalagmita ederrak sortu dira barrualdean.
Santimamiñeko labar artean hainbat bisonte, kapridoak, zaldiak, hartz bat, orein bat eta beste irudi batzuen aztarna osatugabeak ageri dira eta Goi Paleolitoko Magdaleniar Aroaren erdialdeko etapetakoak direla uste da.
Labar artea gordetzen duen Paleolitoko santutegia 2006az geroztik jendearentzako itxita badago ere, margolanak ez hondatzeko, bisita gidatuak egiten dira Santimamiñeko kobara eta bere ingurura, bisita “birtual” bat barne, bisitaria birtualki koban sartu ahal izateko eta haitzetako santutegia 3Dn ezagutu ahal izateko.
Bisiten ibilbidea:
Santimamiñera bisita topagunean hasten da eta artadia zeharkatuz igotzen da kobaraino. Begiratoki batean gelditzen da ibilbidea, ingurune naturala miresteko.
Kobara heldutakoan, atartera joango gara koba barruan egiten ari diren indusketa arkeologikoa ikusteko. Azkenik, 3D teknologiari esker, bisita “birtual” bat egingo dugu koba osoa ezagutzeko, labar artea gordetzen duen santutegia barne, margolanak gure CO2rekin kaltetu gabe ikusi ahal izateko.
Nola heldu
Kortezubi izeneko udalerri bizkaitarrean dago Santimamiñeko koba eta Gernikatik 10 minutura dago kotxez.
Bizkaiaren barnealdetik bertara heltzeko, Gernikara heltzear gaudela Urdaibairako ingurabidea hartu beharko dugu (Laga eta Laida hondartzetarantz edo Lekeitiorantz) BI-635 errepidetik, Barrutia auzoko biribilgunera heldu arte. BI-2238 errepidetik jarraitu beharko dugu 2 km inguru.
Kobaren inguru berean dago Omako basoa edo Ibarrolaren “baso margotua”.
| Datu interesgarriak | |
| Informazioa | Derrigorrezkoa da bisitak aldez aurretik erreserbatzea:
94 465 16 57 /94 465 16 60 www.santimamiñe.com |
| Sarreren prezioa | Orokorra: 5 € / 6 urtetik beherakoentzat doan
Murriztua: 2 € Taldeak: 3 € (gutxienez 10 pertsona eta gehienez 20) |
| Ordutegia | Apirilaren 15etik urriaren 14ra:
Astelehenetik igandera: 10:00, 11:00, 12:00, 13:00, 15:30, 17:00 eta 17:30. Urriaren 16tik apirilaren 14ra: Asteartetik igandera: 10:00, 11:00, 12:00 eta 13:00. |
Hurbil dauden establezimenduak
Barrio Atxondoa - Caserío Alluntz (Forua)
Bizkaiko eta Bilboko jatetxeak
2.37 Km
Bº Elexalde, 30 (Natxitua) (Ea)
Bizkaiko eta Bilboko jatetxeak | Bizkaiko tabernak eta kafetegiak
2.78 Km
Industria, 10 (Gernika-Lumo)
Bizkaiko gaueko aisialdia | Bizkaiko tabernak eta kafetegiak
3.03 Km
Picasso, 5 (Gernika-Lumo)
Bizkaiko gaueko aisialdia | Bizkaiko tabernak eta kafetegiak
3.21 Km
Hurbil dauden alojamenduak
